Наурыз келді, елімнің берекесі,
Жаңа жылы қазақтың мерекесі.
Шаңырағы биіктеп күнге жақын,
Ұланғайыр керілсін керегесі.
2023 жылдың наурыз айының 17-сі күні Ақсу негізгі мектебінде
22 наурыз - Ұлыстың ұлы күніне арналған «Армысың, әз Наурыз!» атты мерекелік іс-шарасы өтті.
Аталған шараны мектеп директоры Нұрғалиева Жамиля Есімқызы құттықтау сөзімен ашып берді. Көктем лебін сездірген әуезді әндер, мың бұралған бишілер, мектеп мұғалімдері мен оқушыларынан құралған оркестр, әжелер ансамблі кештің көркін кіргізді. Кеш соңында аталарымыз бен әжелерімізден бата алып, келген қонақтар мен ата аналарды ұлыс күнгі ұлттық ас - наурыз көжеден дәм татуға шақырды.